CCLXV.

1374, November 6. Frankenstein.

Der Hauptmann von Frankenstein erneuert dem Reinzko Schaff einen verloren gegangenen Lehnbrief über Dürrhartau.

In gotis namen amen. Wir Potha von Czastolowicz von kuniglichir gewalt vnd macht der cronen zu Beheim hauptman zu Franckinstein, wir bekennen vnd thun zu wissen allen den, dy dezen briff zeen adir horen lezen, daz in vnser keynwortekeit komen ist der erber knecht Reynczke Schof vnd hot vns gebetin vnd vorgelegit, wi daz her hot seynen brif vorlorn obir daz dorf zu der Hartha, daz do leit in dem wichbilde zu Franckinstein, daz her hot mit allem rechte, als auch dy man vnd daz registrum bekant habin. Dez habe wir angezeen seynen willegin dinst vnd bethe vnd habin daz egenante dorf, dy Hartha, mit aller hirschaft vnd gerichten gereicht vnd gelegin dem obgenanten Reynczko Schof, eme vnd allen seynen elichin geerbin vnd nochkomelingen zu eyme rechten lene erplich zu besiczen vnd habin eme dy briffe vorneuwet. Vnd der rede zu eymer ewegin gedechtnus habe wir dezen brif lossen vorsegiln mit kuniglichem ingesegil von Behem, daz do gehort zu erbin vud zu sachen in dem weichbilde zu Franckinstein. Dez sint geczeug dy edeln vnd dy erbern: her Cunod von der Reybenicz, her Seuwering von Bebirstein, her Benusch von Reichinbach, her Frederich von Cunczendorf, rittir; Ditherich von Rachno, Hartman von Ronaw, vnd Arnold von Petirswalde vnser schriber, dem wir deze sache befolin habin vnd andir vil erwirdeger leute. Gegebin zu Frankinstein an dem nesten montag vor sente Mertins tag sent Cristus geburt tusunt drihundirt iar in dem veer vnd sebinczegisten iare.

Or. Perg. Das hauptmannschaftliche S. an rothseidner Schnur.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.